గ్యాంగ్ లీడర్ సినిమాలో అచ్చమైన తెలుగమ్మాయిలా కనిపించిన ఈ బ్యూటీ శ్రీకారం సినిమాలో కాస్త గ్లామరస్ గానే కనిపిస్తుందని తెలుస్తుంది. ఈ సినిమా మహాశివరాత్రి కానుకగా ఈ నెల 11వ తేదీన ప్రేక్షకుల ముందుకు రానుంది. ఇక తెలుగులోను ఒకటి రెండు ప్రాజెక్టులను లైన్లో పెట్టే పనిలో ప్రియాంక అరుళ్ మోహన్ ఉంది. ఇదిలా ఉంటే ఇప్పుడు ఈ అమ్మడి అదిరిపోయే ఆఫర్ దక్కిందని తెలుస్తుంది.
ఏకంగా సూపర్ స్టార్ మహేష్ బాబు సరసన ఛాన్స్ కొట్టేసిందంట ఈ బ్యూటీ. ఇప్పుడు ఈ వార్త సోషల్ మీడియాలోనూ.. అటు ఫిలింనగర్ లోను జోరుగా చక్కర్లు కొడుతుంది. ప్రస్తుతం మహేష్ పరశురామ్ దర్శకత్వంలో సినిమా చేస్తున్న విషయం తెలిసిందే. సర్కారు వారిపాట అనే టైటిల్ తో తెరకెక్కుతున్న ఈ సినిమా షూటింగ్ శరవేగంగా జరుగుతుంది. అలాగే మహేష్ తో సరిలేరు నీకెవ్వరు సినిమాను తెరక్కించిన అనీల్ రావిపూడి మరో సారి మహేష్ ను డైరెక్ట్ చేయాలనీ చూస్తున్న విషయం తెలిసిందే.
