మిష‌న్ ఇంపాజిబుల్ ప్రాంఛైజీలో వ‌చ్చిన సినిమాలు ప్రేక్ష‌కుల‌ను ఏ రేంజ్‌లో అల‌రించాయో ప్ర‌త్యేకంగా చెప్ప‌న‌వ‌స‌రం లేదు. మిష‌న్ ఇంపాజిబుల్..రోగ్ నేష‌న్‌, మిష‌న్ ఇంపాజిబుల్ ఫాల్ అవుట్ చిత్రాల‌ను డైరెక్ట్ చేశారు క్రిస్టోఫ‌ర్ ఎంసీ క్వ‌ర్రీ , ప్ర‌స్తుతం మిష‌న్ ఇంపాజిబుల్ 7 పైనే త‌న ఫోక‌స్ అంతా పెట్టాడు. అయితే మిష‌న్ ఇంపాజిబుల్ 7లో ప్రభాస్ ను తీసుకుంటున్న‌ట్టు వార్త‌లు ఊపందుకున్నాయి.
ప్రభాస్ ఈ ప్రాజెక్టులో కీ రోల్ లో క‌నిపించ‌బోతున్నాడంటూ న్యూస్ చ‌క్క‌ర్లు కొడుతుండ‌గా..ఓ అభిమాని డైరెక్టుగా క్రిస్టోఫ‌ర్ నే క్లారిటీ ఇవ్వాల‌ని అడిగాడు. దీనిపై స్పందించిన క్రిస్టోఫ‌ర్ ఆ వార్త‌ల్లో నిజం లేద‌ని తెలిపాడు. ప్రభాస్ చాలా టాలెంట్ క‌లిగిన వ్య‌క్తి. అయితే మేము ఇప్ప‌టివ‌ర‌కు ఆయ‌న్ను క‌ల‌వ‌లేదని చెప్పాడు. మిష‌న్ ఇంపాజిబుల్ 7లో టామ్ క్రూయిజ్ లీడ్ రోల్ పోషిస్తున్నాడు. 2022 జులైలో ప్రేక్ష‌కుల ముందుకు రాబోతుంది..
