టాలీవుడ్‌‌లో బ్యాక్‌గ్రౌండ్ లేకుండా వచ్చి మంచి పాపులారిటీ తెచ్చుకున్న హీరోల్లో విశ్వక్ సేన్ కూడా ఒకరు. ఇప్పుడిప్పుడే హీరోగా గుర్తింపు పొందుతున్నాడు విశ్వక్ సేన్. నిజానికి వెళ్లిపోమాకే సినిమాతో 2017లో ఎంట్రీ ఇచ్చిన దనీష్ నాయుడు అలియాస్ విశ్వక్ సేన్‌కు ఆ సినమాతో గుర్తింపు దొరకలేదు. ఆతర్వాత వచ్చిన ఈ నగరానికి ఏమైంది, ఫలక్ నామదాస్, హిట్ సినిమాలతో మంచి గుర్తింపు తెచ్చుకున్నాడు.
ఇక హీరో నాని నిర్మించిన హిట్ సినిమా విశ్వక్ కు ప్రత్యేక గుర్తింపు తెచ్చిపెట్టింది. ఇప్పుడు ఈ సిమిమాకు సీక్వెల్ తెరకెక్కుతుంది. కొలను శైలేష్ దర్శకత్వంలో వచ్చిన ‘హిట్’ సినిమా ఏడాది పూర్తి చేసుకుంది. అయితే ఈ సీక్వెల్ పై ఆసక్తికర పోస్ట్ పెట్టాడు నాని. మొదటి కేసును తెలంగాణ హిట్ ఆఫీసర్ విక్రమ్ రుద్రరాజు పరిష్కరించగా రెండవ కేసు ఏపీకి చెందిందని నాని ట్విట్టర్ లో పేర్కొన్నాడు. అయితే ఈ సీక్వెల్ లో విశ్వక్ సేన్ నటించడం లేదని తెలుస్తుంది. ఈ సెకండ్ పార్ట్ లో అడవి శేష్ హీరోగా నటించే అవకాశం ఉందని వార్తలు వస్తున్నాయి..
