సుధీర్ వర్మ దర్శకత్వంలో మాస్ మహారాజా రవితేజ హీరోగా తెరకెక్కుతున్న చిత్రం రావణాసుర. భారీ అంచనాల మధ్య తెరకెక్కుతున్న ఈ సినిమాలో 10 గెటప్ లలో రవితేజ కనిపించబోతున్నాడు. అలాగే అక్కినేని సుశాంత్ కీలక పాత్రలో నటిస్తున్నారు. ఇప్పటికే ఈ సినిమాకు సంబంధించి విడుదలైన లుక్స్, పోస్టర్ ప్రేక్షకులను ఆకట్టుకోవడమే కాకుండా సినిమాపై అంచనాలు పెంచాయి. అయితే ఈ సినిమాకు సంబంధించి హీరోయిన్స్ విషయమై ఓ అప్డేట్ బయటకు వచ్చింది.
అదేంటంటే ఈ సినిమాలో మొత్తం ఐదుగురు హీరోయిన్స్ ఉన్నారట. అను ఇమ్మాన్యుయేల్, మేఘా ఆకాష్, ఫరియా అబ్దుల్లా, పూజిత పొన్నడ, అలాగే దక్ష నగర్కర్ లను మేకర్స్ సెలెక్ట్ చేశారట.అందుకు సంబంధించి అధికారికంగా ప్రకటన రావాల్సి ఉంది. ఇక ఈ సినిమాకు అభిషేక్ పిక్చర్స్ పతాకంపై ఈ చిత్రాన్ని అభిషేక్ నామా నిర్మిస్తున్నారు. ఇదిలా ఉండగా రవితేజ ప్రస్తుతం రావణాసుర సినిమాతో పాటు ఖిలాడి, టైగర్ నాగేశ్వరరావు బయోపిక్, ధమాకా, రామారావు ఆన్ డ్యూటీ సినిమాలు చేస్తున్నాడు.
