రౌడీ బాయ్ ‘ది’ విజయ్ దేవరకొండ కథానాయకుడిగా ‘దిల్’ రాజుకు చెందిన శ్రీ వెంకటేశ్వర క్రియేషన్స్ సంస్థలో ఓ సినిమా రూపొందుతోంది. అందులో కథానాయిక ఎవరు? మృణాల్ ఠాకూర్! సినిమా ప్రారంభోత్సవంలో కూడా ఆవిడ సందడి చేశారు. అయితే..ఈ సినిమాలో మరో కథానాయికకు చోటు ఉంది. ఫ్లాపుల్లో ఉన్న అమ్మాయికి విజయ్ దేవరకొండ అవకాశం ఇచ్చారు..
నాగ చైతన్య, సమంత జంటగా నటించిన ‘మజిలీ’లో రెండో కథానాయికగా నటించిన దివ్యాంశ కౌశిక్ ఉన్నారు కదా! విజయ్ దేవరకొండ సినిమాలో నటించే అవకాశం ఆమెకు లభించింది. ‘మజిలీ’ తర్వాత దివ్యాంశకు మరో విజయం రాలేదు. రవితేజ ‘రామారావు ఆన్ డ్యూటీ’, సందీప్ కిషన్ ‘మైఖేల్’, సిద్ధార్థ్ ‘టక్కర్’ చేశారు. ఆ మూడు సినిమాలు ఫ్లాప్ అయ్యాయి. అయినా సరే దివ్యాంశ కౌశిక్ ప్రతిభ మీద నమ్మకం ఉంచింది విజయ్ దేవరకొండ టీం..!!
