రాజకీయ నాయకుడు, పారిశ్రామిక వేత్త గల్లా జయదేవ్ కుమారుడు అశోక్ గల్లా ‘హీరో’ సినిమాతో కథానాయకుడిగా పరిచయమయ్యాడు. అశోక్ నటిస్తున్న ద్వితీయ చిత్రం ‘దేవకీ నందన వాసుదేవ’. అర్జున్ జంధ్యాల దర్శకుడు. డివోషనల్ ఫ్యామిలీ ఎంటర్టైనర్గా తెరకెక్కిన ఈ చిత్రం నవంబర్ 14న ప్రేక్షకుల ముందుకు రానుంది. మానస వారణాసి నాయికగా నటిస్తున్న ఈ చిత్రాన్ని సోమినేని బాలకృష్ణ నిర్మిస్తున్నారు.
‘హనుమాన్’ చిత్ర దర్శకుడు ప్రశాంత్ వర్మ ఈ చిత్రానికి కథను అందించడం విశేషం. కాగా ఈ చిత్రానికి సంబంధించిన ఓ ఆసక్తికరమైన వార్త సోషల్ మీడియాలో వైరల్గా మారింది. ఈ చిత్రంలో టాలీవుడ్ క్రేజీ కథానాయకుడు మహేశ్ బాబు అతిథిగా పాత్ర చేస్తున్నాడని, పతాక సన్నివేశాల్లో వచ్చే శ్రీకృష్ణుడి ఉగ్రస్వరూపం పాత్రకు మహేశ్ సూట్ అవుతాడని, ఆయనను ఒప్పించి చిత్రీకరణ చేశారనే వార్త ప్రచారంలో వుంది..!!
