తనకు దక్కిన సాయానికి కృతజ్ఞతగా నందకిషోర్ అనే వ్యక్తి ట్విట్టర్లో ఒక పోస్ట్ పెట్టాడు. ఆక్సిజన్ కాన్సన్ట్రేటర్ను అడగ్గానే.. అందేలా చూసినందుకు థ్యాంక్స్తో సరిపెట్టలేనని ఆ వ్యక్తి పోస్టు చేశాడు. అడిగిన వెంటనే సాయం అందించనందుకు కృతజ్ఞతలని, తెలంగాణ ప్రజలకు మీతరపున అందుతున్న సాయం మరువలేనిదని, చివరగా మీరు సూపర్ హీరో అని చెప్పాలనుకుంటున్నానని నందకిషోర్ KTR కు ట్వీట్ చేశాడు. దానికి ప్రతిగా కేటీఆర్ స్పందిస్తూ..
ప్రజలు ఎన్నుకున్న ప్రతినిధిగా తోచిన సాయం మాత్రమే చేశాను బ్రదర్.. మీరు సోనూసూద్ను(ట్యాగ్ చేసి మరీ) సూపర్ హీరో అనడం కరెక్ట్. ఆపదలో ఉన్నవాళ్లు మీరు సాయం అందించండి అని ఆ వ్యక్తికి సూచించాడు. కేటీఆర్ రిప్లైకి సోనూసూద్ కూడా స్పందించారు. ‘థ్యాంక్ యూ సో మచ్ సర్. కానీ, తెలంగాణకు మీరు ఎంతో చేస్తున్నారు. కాబట్టి మీరే రియల్ హీరో. మీ నాయకత్వంలో రాష్ట్రం ఎంతో అభివృద్ధి చెందింది. తెలంగాణ నాకు మరో ఇంటిలాంటిది. ఏళ్లుగా ఇక్కడి జనాలు నా మీద ఎంతో ప్రేమాభిమానాలు చూపిస్తున్నారు అని సోనూసూద్ రీ ట్వీట్ చేశారు.
