స్కిన్ షో ని నమ్ముకోకుండా ఓన్లీ పాత్రా ప్రాధాన్యం ఉన్న పాత్రలు చేస్తూ ప్రస్తుతం తెలుగులో దూసుకుపోతుంది యువ హీరోయిన్ కీర్తి సురేష్. ‘మహానటి’ సావిత్రిగా మెప్పించి ఏకంగా జాతీయ అవార్డు అందుకుంది ఈ సుందరాంగి. ఇటీవల ఓటీటీ ద్వారా ‘పెంగ్విన్‌’తో ప్రేక్షకుల ముందుకు వచ్చిన ఆమె… ఇప్పుడు నితిన్ సరసన ‘రంగ్‌ దే’, సూపర్ స్టార్ రజినీ ‘అన్నాత్తె’ సినిమాలలో నటిస్తోంది. తాజాగా షూటింగ్‌ బ్రేక్‌లో తీసుకున్న ఓ వీడియోను ఆమె సోషల్‌మీడియా వేదికగా నెటిజన్లతో పంచుకుంది. కాఫీ తనకు కొత్త ఉత్సాహం ఇస్తుందని, పరిస్థితులు ఎలా ఉన్నప్పటికీ కచ్చితంగా కప్పు కాఫీ తాగుతానని తెలిపింది.
అయితే.. వీడియోలో కీర్తిని చూసిన ఫ్యాన్స్ కంగుతిన్నారు. కీర్తి అందులో బాగా బరువు తగ్గిపోయి చాలా సన్నగా కనిపించడమే అందుకు కారణం. “డియర్ కీర్తి, ఏంటి ఇలా అయిపోయావ్”, “కీర్తి బరువు ఉంటేనే నువ్వు అందంగా ఉంటావ్, దయచేసి మళ్లీ బరువు పెరుగు”, “చాలా సన్నబడ్డావు, ఇలా మారిపోయావ్‌ ఏంటి?..” అంటూ రకరకాల కామెంట్లు చేశారు. అయితే కొందరు మాత్రం ఆమె ఇలా కూడా అందంగా ఉన్నారని అభిప్రాయ వ్యక్తం చేస్తున్నారు. ప్రస్తుతం కీర్తి వీడియో సోషల్‌మీడియాలో చక్కర్లు కొడుతోంది. కీర్తి సురేశ్‌ కొన్ని నెలలుగా బరువు తగ్గడంపై ఫోకస్ పెట్టారు. అందుకోసం లాక్ డౌన్ లో తెగ వ్యాయామాలు చేసింది. అందుకే అంత స్లిమ్ గా మారింది.
