ప్రస్తుతం బాలీవుడ్‌ హీరోయిన్‌ కత్రీనా కైఫ్‌కు సంబందించిన ఓ న్యూస్ సోషల్ మీడియాలో వైరల్ అవుతోంది. కాట్ ప్రెగ్నెంట్‌ అంటూ నెట్టింట వార్తలు చక్కర్లు కొడుతున్నాయి. ఇందుకు కారణం లేకపోలేదు. టైగర్ 3, మెర్రీ క్రిస్మస్ షూటింగ్‌లో బిజీగా ఉన్న కత్రినా.. సోమవారం ముంబై విమానాశ్రయం నుంచి బయటకు వచ్చారు. కారు వద్దకు వెళుతున్న సమయంలో కత్రీనాను పలువురు ఫోటో గ్రాఫర్లు ఫొటోలు, వీడియోలు తీశారు. ఓ వీడియోను ప్రముఖ ఫొటోగ్రాఫర్‌ వైరల్ భయానీ తన ఇన్‌స్టాగ్రామ్‌ ఖాతాలో పోస్ట్ చేశాడు. ప్రస్తుతం ఆ వీడియో నెట్టింట చక్కర్లు కొడుతోంది.
వైరల్ భయానీ పోస్ట్ చేసిన వీడియోలో కత్రీనా కైఫ్‌.. పాస్టెల్ పింక్ చుడిదార్ వేసుకున్నారు. వీడియోలో కాట్ కొంచెం బొద్దుగా ఉన్నారు. అంతేకాదు ఆమె నడక తీరు కూడా వేరేలా ఉంది. దాంతో కత్రీనా ప్రెగ్నెంట్‌ అంటూ నెటిజన్లు కామెంట్లు చేస్తున్నారు. ‘ఓహ్ మై గాడ్.. కత్రీనా ప్రెగ్నెంట్‌లా ఉంది?’ అని ఒకరు కామెంట్ చేయగా.. ‘త్వరలో కాట్ తల్లి కాబోతుంది. కత్రీనా పాపను చూడాలని ఆతృతగా ఉంది’ అని ఇంకొకరు ట్వీట్ చేసారు. కాట్ నిజంగానే తల్లికాబోతుందా? లేదా డ్రెస్ వల్ల అలా కనిపిస్తోందో తెలియాలంటే.. మరికొన్ని రోజులు వేచిచూడక తప్పదు.
