మిమీ చిత్రం తర్వాత తాను చాలా బరువు పెరిగానని కృతి సనన్ చెప్పింది. కృతి బరువు పెరగడానికి మొదట చిప్స్, చాక్లెట్లు, షేక్స్ తీసుకుంది. ఆపై వర్చువల్ వర్కవుట్‌లతో పాటు లాక్‌డౌన్ సమయంలో ఇవన్నీ తినడం మానేసింది. దీంతో కృతి జిమ్‌కి వెళ్లకుండానే బరువు తగ్గింది..కృతి సనన్ ‘మిమి’లో అద్దె తల్లి పాత్రను పోషించింది. దాని కోసం ఆమె 15 కిలోలు పెరిగింది. కృతి సనన్ దీనిపై స్పందిస్తూ ‘నేను వర్చువల్ ట్రైనర్ సహాయంతో ఇంట్లోనే వ్యాయామం చేయడం ప్రారంభించాను.
లాక్ డౌన్ సమయంలో బరువు తగ్గాను. మిమీ చేస్తున్నప్పుడు నేను నా సాధారణ శరీర బరువు కంటే 15 కిలోలు ఎక్కువగా పెరిగాను. ఆ సమయంలో ఫిట్‌నెస్ తగ్గినట్టనిపించింది. అలాంటి సమయాల్లో మీరు ఫిట్‌నెస్ ప్రాముఖ్యతను అర్థం చేసుకుంటారు..’ అని కృతి సనన్ తెలిపింది. కృతి ప్రస్తుతం టైగర్ ష్రాఫ్‌తో కలిసి ‘గణపథ్’ సినిమా చేస్తోంది. ఆమె ప్రభాస్‌తో ‘ఆదిపురుష్’, వరుణ్ ధావన్‌తో ‘భేదియా’, కార్తీక్ ఆర్యన్‌తో ‘షెహజాదా’లో కూడా కనిపించనుంది.
