నటుడు అమీర్ ఖాన్ కూతురు ఇరా ఖాన్ పుట్టిన రోజు ఇప్పుడు బాలీవుడ్‌లో చర్చనీయంగా మారింది. నిండు దుస్తుల్లో కాకుండా టు పీస్ బికిని ధరించి కేక్ కట్ చేసినందుకు నెటిజనులు ఆమెను దారుణమైన కామెంట్స్‌తో ట్రోల్ చేస్తున్నారు. తండ్రి అమీర్ ఖాన్ ఉన్నప్పుడే బికినీ వేసుకుని అవేం పనులు అని తిట్టిపోస్తున్నారు. ఈ కామెంట్స్‌పై గాయని సోనా మహాపాత్ర స్పందించింది. ‘‘ఇరా ఖాన్ దుస్తుల ఎంపికపై కొందరు ఆగ్రహం వ్యక్తం చేస్తున్నారు. గతంలో అమీర్ ఖాన్ అన్న మాటలను దీనికి లింక్ చేస్తూ ట్రోల్ చేస్తున్నారు.
ఆమె వయస్సు 25 ఏళ్లు. స్వేచ్ఛగా ఆలోచించే వయస్సు ఉన్న మహిళ ఆమె. ఆమెకు ఏం చేయాలో అది చేస్తుంది. ఇందుకు ఆమె తండ్రి అనుమతి అవసరం లేదు’’ అని తెలిపింది. వాస్తావానికి అది పూల్ పార్టీ. దీంతో ఆమె ఆ సమయంలో బికినీ ధరించింది. ఆమీర్ ఖాన్ కూడా స్విమ్మింగ్ పూల్ నుంచి బయటకు వచ్చి.. ఆ వేడుకలో పాల్గొన్నట్లు ఆ ఫొట్లో క్లియర్‌గా కనిపిస్తోంది. కానీ, నెటిజనులు మాత్రం గతంలో అమీర్ ఖాన్ చేసిన కామెంట్లను దృష్టిలో పెట్టుకుని ట్రోల్ చేస్తున్నారు.
అమీర్ ఖాన్ ఒకప్పుడు దేశంలో నెలకొన్న పరిస్థితుల గురించి రామ్‌నాథ్ గోయెంకా ఎక్సలెన్స్ ఇన్ జర్నలిజం అవార్డుల కార్యక్రమంలో చేసిన వ్యాఖ్యలు పెద్ద దుమారమే రేపాయి…ఈ నేపథ్యంలో.. నాటి ఆమీర్ కామెంట్లను గుర్తు చేస్తూ నెటిజనులు, ఇండియాలో కాబట్టి మీరు ఇంత స్వేచ్ఛగా వస్త్రాలు ధరిస్తున్నారు. అదే మరే ముస్లిం దేశంలోనైనా ఇంత స్వేచ్ఛ ఉంటుందా? అని ప్రశ్నిస్తున్నారు.
