RRR సినిమా తర్వాత యంగ్ టైగర్ ఎన్టీర్ రేంజ్ ఒక్కసారిగా మారిపోయింది. పాన్ ఇండియా స్థాయిలో పాపులారిటీ రావడమే గాక..హాలీవుడ్లోనూ గుర్తింపు వచ్చింది. ఇక ఆర్ఆర్ఆర్ గెలుపు జోష్లో ఉన్న తారక్ తన తదుపరి సినిమాలపై ఫోకస్ పెట్టారు. ప్రస్తుతం ఆయన కొరటాల శివ దర్శకత్వంలో ‘దేవర’ సినిమా చేస్తున్నారు. ఈ చిత్రంతో బాలీవుడ్ బ్యూటీ జాన్వీ కపూర్..టాలీవుడ్ ఎంట్రీ ఇస్తోంది. దీని తర్వాత ఆయన ‘కేజీయఫ్’ ఫేమ్ ప్రశాంత్ నీల్తో ఓ భారీ బడ్జెట్ సినిమా చేస్తున్నారు.
ఇప్పుడు ఈ మూవీకి సంబంధించి ఓ ఇంట్రెస్టింగ్ న్యూస్ వైరల్ అవుతోంది..ఈ సినిమాలో తారక్ సరసన గ్లోబల్ స్టార్ ప్రియాంక చోప్రా నటించనుందని వార్తలు వస్తున్నాయి. ఇందులో నిజమెంతో తెలియదు గానీ సోషల్మీడియాలో మాత్రం ఈ పేరు చక్కర్లు కొడుతోంది. అంతకముందు దీపికా పదుకొణె, మృణాల్ ఠాకూర్ పేర్లు కూడా వినిపించాయి. కానీ ఇప్పుడు ప్రియాంక దాదాపుగా కన్ఫమ్ అయినట్టు చెబుతున్నారు. ఈ చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా కలిసి నిర్మించనున్నాయి..!!
