సుకుమార్ శిష్యుడిగా ‘ఉప్పెన’ చిత్రంతో టాలీవుడ్లోకి అడుగుపెట్టిన బుచ్చిబాబు సానా, మొదటి సినిమాతోనే ఇండస్ట్రీ దృష్టిని ఆకర్షించాడు. ప్రస్తుతం ఆయన మెగా పవర్ స్టార్ రామ్ చరణ్ ప్రధాన పాత్రలో ‘పెద్ది’ అనే భారీ చిత్రాన్ని తెరకెక్కిస్తున్నాడు. షూటింగ్ పనులన్నీ పూర్తి చేసుకున్న ఈ చిత్రం జూన్ నెలలో విడుదలకు సిద్ధమవుతోంది. ఈ సినిమాపై ప్రేక్షకుల్లో మరియు ట్రేడ్ వర్గాల్లో భారీ అంచనాలు నెలకొన్నాయి. ప్రస్తుతం బుచ్చిబాబు తన పూర్తి దృష్టిని ‘పెద్ది’ చిత్రానికి సంబంధించిన పోస్ట్ ప్రొడక్షన్ పనులపైనే పెట్టాడు..
ఈ చిత్రంలో రామ్ చరణ్ సరసన జాన్వీ కపూర్ హీరోయిన్గా నటిస్తుండగా, శ్రుతి హాసన్ ఒక స్పెషల్ సాంగ్లో మెరవనుంది. వెంకట సతీష్ కిలారు నిర్మిస్తున్న ఈ యాక్షన్ డ్రామా బాక్సాఫీస్ వద్ద ఏ స్థాయి ప్రభావాన్ని చూపుతుందో అని అందరూ ఆసక్తిగా ఎదురుచూస్తున్నారు. ముఖ్యంగా ఈ సినిమా ఫలితం బుచ్చిబాబు నెక్స్ట్ ప్రాజెక్టులకు కీలకం కానుంది. ‘పెద్ది’ గనుక బ్లాక్బస్టర్ విజయాన్ని అందుకుంటే, బుచ్చిబాబు తన నెక్స్ట్ చిత్రాన్ని సూపర్ స్టార్ మహేష్ బాబుతో చేసే అవకాశం ఉంది. మైత్రీ మూవీ మేకర్స్ ఈ క్రేజీ ప్రాజెక్టును నిర్మించడానికి సిద్ధంగా ఉన్నట్లు సమాచారం..!!
