అభిమాన హీరోల పుట్టినరోజు వస్తుందంటే చాలు రెండు నెలల ముందే సోషల్ మీడియాలో హంగామా మొదలు పెడుతున్నారు అభిమానులు.. హీరోల పుట్టినరోజును ట్రెండ్ చేయడం ఇపుడు ట్రెండ్ అయిపొయింది.. ఇప్పటికే ఎన్టీఆర్, మహేష్ బాబు, పవన్ కళ్యాణ్ ల పుట్టినరోజు వేడుకలకు హవా భారీ స్థాయిలో హంగామా చేశారు అభిమానులు.. ఇక ఈ నెల 29న కింగ్ అక్కినేని నాగార్జున పుట్టినరోజు కావడంతో నాగ్ కోడలు, హీరోయిన్ సమంత తన మామ బర్త్ డే కామన్ డీపీని సోషల్ మీడియాలో లాంఛ్ చేశారు. ప్రస్తుతం ఈ కామన్ డీపీ సోషల్ మీడియాలో తెగ చక్కర్లు కొడుతుంది.. లాంఛ్ చేసినందుకు గాను సమంతకు కృతజ్ఞతలు తెలుపుతున్నారు నాగ్ ఫ్యాన్స్.. ఈ కామన్ డీపీలో నాగార్జున సినీ కెరీర్ ని మలుపు తిప్పిన సినిమాలను అందులో ఉంచారు.
