టాలీవుడ్ లో స్టార్ హీరోయిన్ గా ఓ వెలుగు వెలిగింది మిల్కీబ్యూటీ తమన్నా. ప్రస్తుతం ఈ అమ్మడు టైం చాలా స్లోగా నడుస్తుంది. తమన్నాకు అవకాశాలు తగ్గాయనే చెప్పాలి. ప్రస్తుతం ఈ బ్యూటీ గోపీచంద్ సరసన సీటీమార్ సినిమాలో నటిస్తుంది. కబడ్డీ నేపథ్యంలో తెరకెక్కుతున్న ఈ సినిమాలో తమన్నా ఫీమేల్ టీమ్ కోచ్ గా కనిపించనుంది. ఇదిలా ఉంటే త్వరలో తమన్నా వెబ్ సిరీస్ లోకి అడుగు పెట్టనుంది. దర్శకుడు ప్రవీణ్ సత్తారు దర్శకత్వంలో ఒక వెబ్ సిరీస్ కు తమన్నా గ్రీన్ సిగ్నల్ ఇచ్చింది.
మొత్తం 8 ఎపిసోడ్స్ గా ప్రసారం కాబోతున్న ఈ వెబ్ సిరీస్ లో ప్రముఖ నటీనటులను నటింపజేస్తున్నాడు. డిఫరెంట్ కాన్సెప్ట్ తో ఈ వెబ్ సిరీస్ తెరకెక్కబోతుంది. ఎప్పుడు విడుదల అయ్యే విషయమై మరో నెల రోజుల్లో దర్శకుడు క్లారిటీ ఇచ్చే అవకాశం ఉందని ఇండస్ట్రీ వర్గాల టాక్ . మరో వైపు తమన్నా హోస్ట్ గా మారనుంది. ప్రముఖ డిజిటల్ ఫ్లాట్ ఫామ్ “ఆహా” కోసం అమ్మడు యాంకర్ అవతారమెత్తనుంది. వంద మంది సెలబ్రెటీలతో తమన్నా టాక్ షో ఉంటుందని. ఈ షో రెండు లేదా మూడు సీజన్ లుగా సాగుతుందని ఇందుకోసం తమన్నాకు ఆహా వారి నుండి భారీ పారితోషికం అందినట్టు ప్రచారం జరుగుతోంది..
