విశ్వక్ సేన్ తన దూకుడును మరింత పెంచారు. వరుస సినిమాలతో ప్రేక్షకులను అలరించేందుకు ఆయన సర్వ సన్నద్ధమయ్యారు. బాక్సాఫీస్ ఫలితాలతో సంబంధం లేకుండా ఒకదాని తర్వాత మరొక సినిమాతో ముందుకు వస్తున్నారు. తాజాగా అందుతున్న సమాచారం ప్రకారం ఈ యువ హీరో కేవలం ముప్పై నాలుగు రోజుల వ్యవధిలోనే ఏకంగా మూడు సినిమాలను థియేటర్లలో విడుదల చేయడానికి రంగం సిద్ధం చేశారు. టాలీవుడ్ చరిత్రలో ఒక ప్రధాన హీరో ఇంత తక్కువ వ్యవధిలో వరుసగా మూడు సినిమాలు విడుదల చేయడం ఇదే మొదటిసారి కావడంతో సినీ వర్గాల్లో తీవ్ర చర్చ జరుగుతోంది.
ఈ వరుస చిత్రాల విడుదల షెడ్యూల్ చాలా ఆసక్తికరంగా ఉంది. విశ్వక్ సేన్ స్వయంగా దర్శకత్వం వహించి తెరకెక్కించిన ‘కల్ట్’ సినిమా అక్టోబర్ 30వ తేదీన ప్రేక్షకుల ముందుకు రానుంది. ఈ సినిమాపై ఇప్పటికే యూత్లో విపరీతమైన అంచనాలు నెలకొన్నాయి. దీని తర్వాత టాలెంట్ డైరెక్టర్ తరుణ్ భాస్కర్ దర్శకత్వంలో తెరకెక్కిన ‘ఈ నగరానికి ఏమైంది రిపీట్’ సినిమా నవంబర్ 19వ తేదీన విడుదల కానుంది. ఈ సినిమా కల్ట్ క్లాసిక్ చిత్రానికి సీక్వెల్గా వస్తుండటంతో అభిమానుల్లో భారీ క్రేజ్ ఉంది. అలాగే సాయికిరణ్ రూపొందించిన ‘లెగసీ’ అనే మరో భారీ చిత్రం డిసెంబర్ 4వ తేదీన గ్రాండ్గా విడుదల కానుంది..!!
