ఇటీవల జరిగిన ఒక ఇంటర్వ్యూలో నయనతార తన సినీ ప్రయాణం తొలినాళ్లను గుర్తుచేసుకున్నారు. కాలేజీ రోజుల్లోనే మోడలింగ్ రంగంలోకి అడుగుపెట్టిన ఆమె, ఒక మ్యాగజైన్ కవర్ షూట్ కోసం మొదటిసారి పనిచేశారు. ఆ ఫ్యాషన్ ప్రోగ్రామ్ కోసం ఆమెకు అప్పట్లో కేవలం రూ. 2 వేలు నుంచి రూ. 3 వేలు వరకు పారితోషికం దక్కిందని ఆమె వెల్లడించారు. ఆ చిన్న మొత్తంతో ప్రారంభమైన ఆమె ప్రయాణం అంచెలంచెలుగా ఎదుగుతూ నేడు కోట్ల రూపాయలు తీసుకునే స్థాయికి చేరింది. ఫిల్మ్ నగర్ సమాచారం ప్రకారం, ప్రస్తుతం ఆమె ఒక్కో సినిమాకు సుమారు రూ. 5 కోట్లు నుంచి రూ. 10 కోట్లు వరకు డిమాండ్ చేస్తున్నారు.
సినిమాలతో పాటు వాణిజ్య ప్రకటనల ద్వారా కూడా నయనతారకు భారీగా ఆదాయం వస్తోంది. ఒక్కో యాడ్ కోసం ఆమె రూ. 5 కోట్లు వరకు వసూలు చేస్తున్నట్లు సమాచారం. చెన్నైలోని అత్యంత ఖరీదైన పోయెస్ గార్డెన్ ప్రాంతంలో ఆమెకు సుమారు 16,500 చదరపు అడుగుల విస్తీర్ణంలో ఒక విలాసవంతమైన బంగ్లా ఉందని జాతీయ మీడియా ఓ కథనంలో తెలిపింది. అలాగే ప్రైవేట్ జెట్ కూడా ఆమె సొంతం చేసుకున్నారని వార్తలు వచ్చాయి. ఇలా ప్రస్తుతం లేడీ సూపర్ స్టార్ నయనతార మొత్తం నెట్ వర్త్ సుమారు రూ. 200 కోట్లు వరకు ఉంటుందని అంచనా వేస్తున్నారు. రూ. 2 వేలుతో మొదలైన ఆమె ప్రయాణం రూ. 200 కోట్లు స్థాయికి చేరడం నిజంగా అద్భుతమని నెటిజన్లు కామెంట్స్ చేస్తున్నారు..!!
