హీరోయిన్లకు హిట్స్ ఉంటేనే డిమాండ్ పెరుగుతుంది..అందం, అభినయం, డాన్స్, అన్నీ కలగలిపిన ప్రతిభతో తక్కువ సమయంలోనే టాప్ చాయిస్ హీరోయిన్గా ఎదిగింది. స్టార్ హీరోల సరసన వరుస అవకాశాలు దక్కించుకుంటూ మంచి క్రేజ్ సంపాదించింది. అయితే ఇటీవల ఆమె నటించిన కొన్ని సినిమాలు ఆశించిన స్థాయిలో టాక్ తెచ్చుకోకపోవడంతో, అవకాశాల విషయంలో కొంత వెనుకబడ్డట్లుగా ఇండస్ట్రీలో వినిపిస్తోంది. తాజా సమాచారం ప్రకారం, ఆమెకు వచ్చిన రెండు ప్రాజెక్ట్లలో మార్పులు జరిగాయని, వాటిలో ఒక ప్రాజెక్ట్ మీనాక్షి చౌదరి చేతికి వెళ్లినట్లు టాక్ వినిపిస్తోంది.
ఇది పూర్తిగా ఆశ్చర్యకరమైన విషయం కాదు. ఎందుకంటే సినిమా ఇండస్ట్రీలో విజయాలు, పరాజయాలు సహజం. ఒక్కటి రెండు ఫలితాలు మారితేనే అవకాశాల దిశ కూడా మారుతుంది. ప్రస్తుతం శ్రీలీలకు అలాంటి దశ ఎదురైందని భావిస్తున్నారు. అయితే ఈ పరిస్థితి తాత్కాలికమే అయ్యే అవకాశాలు ఎక్కువగా ఉన్నాయి. తన ప్రతిభతో ఇప్పటికే మంచి గుర్తింపు తెచ్చుకున్న శ్రీలీల, సరైన కథలు, బలమైన పాత్రలు దొరికితే మళ్లీ బలంగా కంబ్యాక్ ఇవ్వగలదనే నమ్మకం అభిమానుల్లో ఉంది..!!
