చిరంజీవి హీరోగా తెరకెక్కుతోన్న చిత్రం ‘విశ్వంభర’. వశిష్ట దర్శకత్వం వహిస్తున్న ఈ సినిమాపై భారీ అంచనాలు ఉన్నాయి. చిరు అభిమానులు మాత్రమే కాకుండా, యావత్‌ సినిమా ఇండస్ట్రీ మొత్తం ఈ సినిమా కోసం ఎదురు చూస్తోంది. గతంలో ఎన్నడూ కనిపించని విభిన్నమైన పాత్రలో చిరు ఈ సినిమాలో కనిపించనున్నారన్న వార్తలు సినిమాపై అంచనాలను ఒక్కసారిగా పెంచేశాయి. ఇప్పటికే విడుదలైన ఈ సినిమా టీజర్ ప్రేక్షకులను ఆకట్టుకుంటోంది. తాజాగా ఈ సినిమాలో మీనాక్షి చౌదరి కూడా నటిస్తోందని నెట్టింట గత కొన్ని రోజులుగా పెద్ద ఎత్తున చర్చ నడుస్తోంది.
దీంతో ఈ వార్తలపై మీనాక్షి క్లారిటీ ఇచ్చే ప్రయత్నం చేశారు..ఓ ఇంటర్వ్యూలో ‘విశ్వంభర’లో తాను నటిస్తున్నాని వస్తోన్న వార్తలపై మీనాక్షి స్పందించారు. ‘నేను విశ్వంభరలో భాగం కాదు. ఆ చిత్రంలో నటిస్తున్నట్లు నేనెప్పుడూ చెప్పలేదు. కానీ, అందులో నటిస్తున్నట్లు అందరూ రాసేస్తున్నారు. ప్రతి ఇంటర్వ్యూలో ‘విశ్వంభర’పై ప్రశ్న అడుగుతున్నారు. నటించే సినిమాల గురించి స్వయంగా వెల్లడిస్తాను. నేను చెప్పలేదు అంటే ఆ చిత్రంలో లేనని అర్థం’ అని స్పష్టం చేసింది..!!
