సూపర్ హీరో కథకు ఇతిహాసాన్ని ముడిపెట్టి ప్రశాంత్ వర్మ తెరకెక్కించిన చిత్రం హనుమాన్. ఈ సినిమా ఈ ఏడాది సంక్రాంతి పండుగ వచ్చి భారీ విజయాన్ని సాధించింది. దీనికి కొనసాగింపుగా శ్రీరాముడికి హన్మంతుడు ఇచ్చి మాట ఏంటి..? అనే ప్రశ్నకు సమాధానంగా జై హనుమాన్ రూపుదిద్దుకుంటోంది. తాజాగా ఈ సినిమాకి సంబంధించిన ఫస్ట్ లుక్ ను విడుదల చేశారు..
ప్రశాంత్ వర్మ సినిమాటిక్ యూనివర్స్ లో భాగంగా రూపొందుతున్న ఈ సినిమాలో హనుమంతుడి పాత్రను ఎవ్వరూ పోషిస్తారు..? అనే ఆసక్తి అందరిలోనూ నెలకొంది. కాంతారా ఫేమ్ రిషబ్ శెట్టి తో పాటు తదితర పేర్లు తెరపైకి వచ్చాయి. కానీ చివరికీ రిషబ్ శెట్టినే ఫైనల్ అయ్యారు. తాజాగా విడుదలైన ఫస్ట్ లుక్ ఆకట్టుకుంటోంది. హనుమాన్ కంటే రెట్టింపు ఉత్సాహంతో ప్రేక్షకులు ఈ సినిమాను వీక్షించేందుకు ఆసక్తికనబరచడం విశేషం. హనుమాన్ కి మించి వందరెట్లు భారీ స్థాయిలో జైహనుమాన్ ఉంటుందని దర్శకుడు ప్రశాంత్ వర్మ గతంలోనే ప్రకటించారు..!!
