దీపావళి పండగ పర్వదినం రోజు టాలీవుడ్‌లో ఆసక్తికర ఘటన చోటుచేసుకుంది. దీపావళి పండుగను పురస్కరించుకుని సూపర్ స్టార్ మహేష్ బాబుకు పవర్ స్టార్ పవన్ కళ్యాణ్ బహుమతులు పంపాడు. ఇందులో పర్యావరణహిత పటాసులతో పాటు స్వీట్లు ఉన్నాయి. పవన్, అన్నా లెజినోవా దంపతులు తమకు గిఫ్టులు పంపిన విషయాన్ని స్వయంగా మహేష్‌బాబు సతీమణి నమ్రతా శిరోద్కర్ సోషల్ మీడియా వేదికగా అభిమానులకు వెల్లడించింది. దీంతో థాంక్యూ అన్నా అండ్ పవన్, హ్యాపీ దివాళి అంటూ నమ్రత కామెంట్ పెట్టి మురిసిపోయింది.
టాలీవుడ్ టాప్ స్టార్లుగా కొనసాగుతున్న మహేష్, పవన్ మధ్య ఇంతటి సానిహిత్యం ఉన్నందుకు ఇరు హీరోల అభిమానులు సంతోషం వ్యక్తం చేస్తున్నారు. మరోవైపు పవర్‌స్టార్ పవన్ కళ్యాణ్ డైరెక్టర్లు హరీశ్ శంకర్, క్రిష్‌కు కూడా గిఫ్టులు పంపాడు. పవన్ కళ్యాణ్ ప్రస్తుతం క్రిష్ దర్శకత్వంలో హరిహరవీరమల్లు సినిమాలో నటిస్తుండగా… త్వరలో హరీష్ శంకర్ దర్శకత్వంలో ‘భవదీయుడు భగత్‌సింగ్’ సినిమాను చేయనున్నాడు.
