తెలుగులో దువ్వాడ జగన్నాథం సినిమాలో అల్లు అర్జున్ సరసన నటించిన పూజా ఇక అప్పటినుండి వెనక్కి తిరిగి చూసుకునే అవసరం రాలేదు. ఆ సినిమా తర్వాత వరుసగా రంగస్థలంలో ఐటెం సాంగ్, అరవింద సమేత వీర రాఘవ, మహర్షి, గద్దల కొండ గణేష్, అల వైకుంఠపురంలో సినిమాలతో వరుస హిట్స్ అందుకుంది. ప్రస్తుతం ఈ భామ చేతిలో మోస్ట్ ఎలిజిబుల్ బ్యాచిలర్, రాధేశ్యామ్, ఆచార్య, సర్కస్, బీస్ట్ లాంటి సినిమాలు ఉన్నాయి.ఇవే కాక రెండు మూడు బాలీవుడ్ చిత్రాలు కూడా ఉన్నాయి.
రీసెంట్‌గా త్రివిక్రమ్-మహేష్ సినిమా ఆఫర్ కొట్టేసిన పూజా ఇప్పుడు హరీష్ శంకర్- పవన్ కాంబినేషన్‌లో రూపొందనున్న సినిమాలో కథానాయికగా ఎంపికైనట్టు వార్తలు వస్తున్నాయి. పూజా హెగ్డే గతంలో హరీష్ శంకర్ దర్శకత్వంలో డీజే(దువ్వాడ జగన్నాథం) సినిమాతో పాటు గద్దలకొండ గణేష్ సినిమాల్లో నటించింది. ఇపుడు ముచ్చటగా హరీష్ శంకర్ దర్శకత్వంతో పవన్ కళ్యాణ్ సరసన నటించనుంది పూజా హెగ్డే.ఇందులో ప్రియమణి మరో కథానాయికగా నటించనుందని సమాచారం.
