తక్కువ సమయంలోనే స్టార్‌ హీరోయిన్‌గా ఎదిగింది. కథా బలం ఉన్న సినిమాలను ఎంచుకుంటూ తన నటనతో ప్రేక్షకుల్ని మంత్రముగ్ధుల్ని చేస్తోంది. ఒక్క తెలుగులోనే కాదు.. తమిళం, మలయాళంలో కూడా నటిస్తూ మంచి క్రేజ్‌ సంపాదించుకుంది. డైరెక్టర్ శేఖర్ కమ్ముల దర్శకత్వంలో తెరకెక్కిన ఫిదా సినిమాతో తెలుగులోకి ఎంట్రీ ఇచ్చింది. ఇక్కడ కూడా తన నటనతో అందరినీ ఫిదా చేసి వరుస సినిమాలతో దూసుకుపోతుంది. అయితే సాయి పల్లవి గురించి అందరికీ..
తెలిసిందే చాలా సెలక్టివ్ గా పాత్రలు ఎంచుకుంటుందని అదే తనకు మరో ప్రత్యేకమైన గుర్తింపుతెచ్చిపెట్టింది. ఈనేపథ్యంలోనే బాలీవుడ్ నుండి సాయి పల్లవికి సినిమా ఆఫర్లు వస్తున్నట్టు తెలుస్తుంది. ఓ ప్రముఖ బ్యానర్ సాయిపల్లవిని కాంటాక్ట్ అయ్యిందని సాయి పల్లవికి కూడా ప్రాజెక్ట్ నచ్చిందని.. బాలీవుడ్ కు వెళ్లడానికి ఈ అమ్మడు కూడా సిద్ధంగానే ఉందని తెలుస్తోంది. మరి ఇందులో ఎంత నిజముందో తెలియాలంటే కొద్దిరోజులు వెయిట్ చేయాల్సిందే.
