చిన్న సినిమాలుగా వచ్చి పెద్ద సక్సస్ సాధించిన సినిమాలు ఇండస్ట్రీలో చాలానే ఉన్నాయి.పెళ్ళి చూపులు మొదలకొని.. ఆమధ్య వచ్చిన కేరాఫ్ కంచరపాలేం వరకు చిన్న సినిమాలుగా రిలీజై పెద్ద సక్సస్ ని అందుకొని ఇండస్ట్రీలో అందరి ప్రశంసలు అందుకున్నాయి. ఇటీవల అలాంటి సినిమా ఒకటి ఆహాలో రిలీజై ప్రముఖుల అందరి ప్రశంసలు అందుకుంటోంది. దాంతో ఇండస్ట్రీలోని వారందరు సినిమాని చూసి చిత్ర బృందాన్ని ప్రశంసిస్తున్నారు.
సందీప్ రాజ్ డైరక్షన్ లో వచ్చిన కలర్ ఫోటో సినిమా ప్రేక్షకులని బాగా ఆకట్టుకుంది. ఈ సినిమాలో హీరోయిన్ గా నటించిన చాందిని చౌదరీ ఆ మధ్య కాస్త అసహనం వ్యక్తం చేసింది.నాలాంటి టాలెంట్ ఉన్న అమ్మాయికి ఇక్కడ పెద్దగా అవకాశాలు రావడం లేదని బాధ పడింది. కాగా ఇటీవలే చిత్ర యీనిట్ ని ప్రశంసించిన అల్లు అర్జున్ చాందిని నటనని పొగడటమే కాకుండా తన సినిమాలో ఛాన్స్ ఇస్తానని మాట కూడా ఇచ్చినట్టు తెలుస్తుంది. అల్లు అర్జున్ సినిమాలో ఛాన్స్ అంటే మొత్తానికి లక్కీ ఛాన్స్ కొట్టేసింది మన కలర్ ఫోటో హీరోయిన్.
