డైరెక్టర్ సుకుమార్ తన రెగ్యులర్ పంథాలో ప్రేక్షకలోకాన్ని ‘పుష్ప’ తో ఉర్రూతలూగించే ఐటెం సాంగ్ కోసం పక్కా స్కెచ్ రెడీ చేశారట. ఐటెం సాంగ్ అంటే.. ఎలాగూ అల్లు అర్జున్ స్టెప్పులతో సిల్వర్ స్క్రీన్ దద్దరిల్లిపోవడం ఖాయమే కాబట్టి ఆయనతో సరిసమానంగా హుషారెత్తించే బ్యూటీ కోసం అన్వేషణ మొదలుపెట్టారట సుక్కు. ఈ క్రమంలో ముందుగా కియారా అద్వానీ, దిశా పటానీ పేర్లు పరిశీలించిన ఆయన చివరకు ప్రభాస్ భామకు ఓటేశారని సమాచారం.
ప్రభాస్‌తో ‘సాహో’ సినిమాలో నటించి స్పెషల్ కిక్కిచ్చిన బాలీవుడ్ భామ శ్రద్ద కపూర్‌తో అల్లు అర్జున్ చిందులేస్తే బెటర్ అని సుక్కు భావిస్తున్నారట. ఈ మేరకు ఆమెతో సంప్రదింపుల కార్యక్రమాలు షురూ అయ్యాయని తెలుస్తోంది. దీనిపై త్వరలోనే అఫీషియల్ ప్రకటన కూడా ఇచ్చి బన్నీ అభిమానుల్లో జోష్ నింపనున్నారట సుకుమార్..
