ప్రముఖ నిర్మాణ సంస్థ లైకా ప్రొడక్షన్స్ ఓ సినిమా ప్లాన్ చేస్తోంది. ఈ చిత్రంలో అధర్వ మురళీ హీరోగా నటిస్తున్నాడు. అధర్వకు జోడీగా మమిత బైజుని హీరోయిన్‌గా ఫైనల్ చేసినట్టుగా తెలుస్తోంది. దీంతో అమ్మడు సూపర్ ఛాన్స్ కొట్టేసినట్టుగా చెబుతున్నారు. ఈ సినిమాతో ఆకాష్ భాస్కరన్ దర్శకుడిగా పరిచయం అవుతున్నాడు. ఈ సినిమాలోనే తమన్ కీలక పాత్రలో నటించబోతున్నట్టుగా తెలుస్తోంది. అది కూడా పూర్తిస్థాయి రోల్ అని అంటున్నారు. అయితే..తమన్ ఎలాంటి పాత్రలో కనిపిస్తాడనేది ఆసక్తికరంగా మారింది. ఈ సినిమాను తమిళ్‌తో పాటు తెలుగులో కూడా రిలీజ్ చేయడానికి ప్లాన్ చేస్తున్నారట. అయితే..తమన్ నిజంగానే నటిస్తున్నాడా? లేదా అనే విషయంలో క్లారిటీ రావాల్సి ఉంది..!!
