రానా – సాయి పల్లవి కలిసి చేస్తున్న చిత్రం ‘విరాటపర్వం’. దర్శకుడు ‘వేణు ఉడుగుల’ దర్శకత్వంలో వస్తోన్న ఈ చిత్రం ఇప్పటికే 90% చిత్రకరణ పూర్తయింది. కాగా ఈ రోజు రానా జన్మదినోత్సవం సందర్భంగా `విరాట పర్వం` ఫస్ట్‌లుక్ తాజాగా విడుదలైంది. ఈ పోస్టర్ లో రానా కామ్రేడ్ రవి అన్నగా ఏకే 47 పట్టుకుని గంభీరంగా కనిపిస్తోన్న రానా లుక్ అందర్నీ బాగా ఆకట్టుకుంటోంది. ఇక ఈ సినిమాలో రానా పాత్ర తర్వాత కథలో ఉన్న శక్తిమంతమైన పాత్రలన్నీ మహిళలవేనట. సాయిపల్లవి, నందితాదాస్‌, ప్రియమణి, జరీనా వహాబ్‌, ఈశ్వరీరావు ఆ పాత్రలకు మరింత జీవ శక్తినిచ్చారని, ఒక రకంగా చెప్పాలంటే ‘విరాటపర్వం’ ఉమెన్‌హుడ్‌ కి ఒక నివాళి అని ‘వేణు ఉడుగుల’ ఆ మధ్య ఇచ్చిన ఇంటర్వ్యూలో చెప్పారు.
