తన బాల్యంలో ఎదురైన సవాళ్లే తనను ఈ రోజు ఇంత దృఢంగా నిలబెట్టాయని ప్రముఖ సినీ నటి రకుల్ ప్రీత్ సింగ్ అన్నారు. సైనిక కుటుంబ నేపథ్యం కారణంగా చిన్నప్పుడు తరచూ ప్రాంతాలు మారాల్సి వచ్చిందని, ఆ అనుభవాలే తన వ్యక్తిత్వాన్ని తీర్చిదిద్దాయని ఆమె ఓ ఇంటర్వ్యూలో వెల్లడించారు. తన తండ్రి ఆర్మీలో పనిచేయడం వల్ల బాల్యంలో దాదాపు 10 పాఠశాలలు మారినట్లు ఆమె గుర్తుచేసుకున్నారు.
ఈ విషయం గురించి రకుల్ మాట్లాడుతూ, “చిన్నప్పుడు స్కూళ్లు మారడం వల్ల కొత్త ప్రదేశాలకు, కొత్త సంస్కృతులకు సులభంగా అలవాటుపడటం నేర్చుకున్నాను. ఎలాంటి పరిస్థితుల్లోనైనా సర్దుకుపోయే గుణం అలవడింది. ఈ అనుభవమే నన్ను ఈ రోజు ఇంత బలంగా మార్చింది” అని తెలిపారు. తరచూ కొత్త స్నేహితులను చేసుకోవడం వల్ల త్వరగా అందరితో కలిసిపోయే నైజం వచ్చిందని ఆమె పేర్కొన్నారు..!!
