ఒక్క సినిమాతో జీవితాలు తామ మారు అయిపోతాయంటే.. ఏమిటో.. శ్రీ‌లీల‌ని చూస్తే అర్థ‌మైపోతుంది. నిన్నా మొన్న‌టి వ‌ర‌కూ అస‌లు ఈ పాప పేరే తెలీదు. `పెళ్లి సంద‌డి` వ‌చ్చింది.. తాను పాపుల‌ర్ అయిపోయింది. `పెళ్లి సంద‌డి`తో క‌థానాయిక‌గా ఎంట్రీ ఇచ్చింది శ్రీలీల. అక్క‌డి నుంచి త‌ను ఫుల్ బిజీ. ర‌వితేజ సినిమా ధ‌మాకా చేస్తోంది. దాంతో పాటుగా న‌వీన్ పొలిశెట్టి సినిమా ఓకే చేసింది. మ‌హేష్ బాబు – త్రివిక్ర‌మ్ సినిమాలో శ్రీలీల రెండో హీరోయిన్ గా న‌టిస్తోంది.
ఇప్పుడు ప్ర‌భాస్ సినిమాలో కూడా ఛాన్స్ వ‌చ్చింద‌ని టాక్‌. ప్ర‌భాస్ క‌థానాయకుడిగా మారుతి ద‌ర్శ‌క‌త్వంలో ఓ చిత్రం రూపుదిద్దుకోనుంది. దీనికి `రాజా డీల‌క్స్‌` అనే పేరు ప‌రిశీల‌న‌లో ఉంది. ఇందులో ముగ్గురు హీరోయిన్లు ఉంటార‌ని టాక్‌. అందులో ఒక హీరోయిన్ గా శ్రీల‌ల‌ని ఫిక్స్ చేశార‌ని తెలుస్తోంది. బాల‌కృష్ణ – అనిల్ రావిపూడి సినిమాలోనూ శ్రీలీల బుక్ అయ్యింద‌ట.చూస్తుంటే త‌న చేతిలో క‌నీసం ప‌ది సినిమాలైనా ఉన్న‌ట్టున్నాయి. ఈ దెబ్బ‌తో.. శ్రీలీల ద‌శ తిరిగిన‌ట్టే..
