వివాదాలు, విమర్శలు పక్కన పెడితే సక్సెస్ ఫుల్ గా రన్ అవుతూ మంచి కలెక్షన్లు సాధిస్తోంది ‘ఆది పురుష్’.ఈ సినిమాని చిన్నారులకు చూపించడానికి ఇప్పటికే మంచు మనోజ్ వంటి ప్రముఖులు ముందుకొస్తున్న విషయం తెలిసిందే. తాజాగా ఈ లిస్టులో బాలీవుడ్ హీరోయిన్ కృతి సనన్ కూడా చేరిపోయింది. ఈమె ఈ చిత్రంలో సీత పాత్రలో మెరిసిన విషయం తెలిసిందే. ఈ సినిమాను చిన్నారులకు చూపించడానికి ఢిల్లీలోని ఓ మల్టీప్లెక్స్ మొత్తాన్ని బుక్ చేసిందట.
తాను చిన్నప్పుడు చదువుకున్న ఢిల్లీ పబ్లిక్ స్కూల్ లోని విద్యార్థులకు ఈ సినిమాను చూపించేందుకు 300 టికెట్లు కొనుగోలు చేసినట్లు బాలీవుడ్ మీడియా తెలిపింది. గత వారం విడుదలైన ‘ఆది పురుష్’ తొలి రోజు విమర్శలు మూట కట్టుకుంది. ఈ సినిమాలోని పాత్రధారుల వేషధారణ పై సోషల్ మీడియాలో విపరీతంగా ట్రోల్స్ వచ్చాయి అయితే వీటన్నింటికీ మూవీ టీం సమాధానాలు చెప్పుకుంటూ వచ్చింది. ఈ సినిమాలో రాముడిగా ప్రభాస్, సీతగా కృతి సనన్, రావణుడిగా బాలీవుడ్ హీరో సైఫ్ అలీ ఖాన్ నటించారు. ఈ సినిమాకి ఓమ్ రౌత్ దర్శకుడు..!!
