నాగ్ అశ్విన్ దర్శకత్వం వహించిన మహానటి సినిమాతో ఒక్కసారిగా జాతీయస్థాయి గుర్తింపు తెచ్చుకుంది కీర్తి. మహానటి సినిమా తర్వాత ఆచితూచి సినిమాలను ఎంచుకుంటుంది. ఆ మధ్య వరుసగా లేడీ ఓరియెంటెడ్ సినిమాలు చేసింది ఈ చిన్నది. లాక్ డౌన్ సమయంలో గ్యాప్ లేకుండా రెండు సినిమాలను ప్రేక్షకుల ముందుకు తీసుకువచ్చింది కీర్తి. ముందుగా పెంగ్విన్ అనే క్రైమ్ థ్రిల్లర్‌లో నటించింది. ఈ సినిమాను ఓటీటీ వేదికగా విడుదల చేశారు.
ఈ సినిమా తర్వాత మిస్ ఇండియా అనే సినిమా చేసింది కీర్తిసురేష్. ఎన్నో అంచనాల మధ్య విడుదలైన ఈ సినిమా కూడా ప్రేక్షకులను నిరాశ పరిచింది. ఇక ఇప్పుడు గుడ్ లక్ సఖి అనే సినిమాతో రాబోతుంది. అయితే గుడ్ లక్ సఖి సినిమా ఎప్పటినుంచో రిలీజ్ కు నోచుకోక పెండింగ్ లో ఉంది. ఈ క్రమంలో లేడీ ఓరియెంటెడ్ సినిమాలు తనకు అచ్చి రావడంలేదని భావించిన మహానటి.. కొన్ని సంవత్సరాలవరకు లేడీ ఓరియెంటెడ్ సినిమాలకు దూరంగా ఉండాలని భావిస్తోందట. ప్రస్తుతం మహేష్ బాబు నటిస్తున్న సర్కారువారి పాట సినిమాలో హీరోయిన్ గా చేస్తుంది కీర్తి.
