ఓ బడా ఓటీటీ సంస్థ ఈ ఇద్దరు స్టార్‌ హీరోలతో వెబ్‌ సిరీస్‌ను తెరకెక్కించే పనిలో పడ్డట్లు తెలుస్తోంది. ఇదిలా ఉంటే గతంలో కూడా ఈ ఇద్దరు హీరోలు.. ‘మంచి కథ కుదిరితే వెబ్‌ సిరీస్‌ చేయడానికి అభ్యంతరం లేద’ని చెప్పిన విషయం తెలిసిందే. దీంతో ఈ వార్తలకు బలం చేకూరినట్లైంది. ఇదిలా ఉంటే గతంలో రానా హీరోగా తెరకెక్కిన ‘కృష్ణం వందే జగద్గురుమ్‌’ సినిమాలో ప్రత్యేక సాంగ్‌లో వెంకటేష్‌ స్టెప్పులు వేసిన విషయం తెలిసిందే. ఇక తాజాగా వీరు ఫుల్‌ లెంత్‌ సినిమాలో కలిసి నటించనున్నారనే వార్త అందరిలోనూ ఆసక్తిని రేకెత్తిస్తోంది.
ఇక ‘ఏమైంది ఈ వేళ’ సినిమాతో వెండి తెరకు పరిచయమైన కాజల్‌ చెల్లెలు నిషా అగర్వాల్‌ 2014 తర్వాత వెండి తెరకు బ్రేక్‌ ఇచ్చిన విషయం తెలిసిందే. వివాహం ఆ తర్వాత చిన్నారికి జన్మనివ్వడంతో నిషా సినిమాలకు గుడ్‌ బై చెప్పింది. అయితే తాజాగా ఈ అందాల తార వెంకీ, రానా నటించనున్న వెబ్‌ సిరీస్‌ ద్వారా ఇండస్ట్రీకి రీ ఎంట్రీ ఇవ్వనున్నట్లు వార్తలు వస్తున్నాయి. నిషా ఇటీవల సోషల్‌ మీడియాలో పోస్ట్‌ చేసిన కొన్ని ఫొటోలతో మరోసారి ప్రేక్షకులను తనవైపు తిప్పుకునే ప్రయత్నం చేసింది. మేకర్స్‌ ఓ ముఖ్యమైన పాత్ర కోసం నిషాను అప్రోచ్‌ అయ్యారని దీనికి ఆమె కూడా సుముఖత వ్యక్తం చేసిందని వార్తలు వస్తున్నాయి..
