టాలీవుడ్‌లో కొందరు హీరోల భార్యలు ఇప్పటికే పలు వ్యాపారాల్లో బిజీగా ఉంటూ తమ సత్తా చాటుతుండగా, తాజాగా యంగ్ టైగర్ ఎన్టీఆర్ భార్య కూడా వ్యాపారంవైపు అడుగులు వేస్తున్నారట. అయితే సినిమా రంగంలో కేవలం హీరోలు మాత్రమే కాకుండా హీరోల భార్యలు సైతం ఏదో ఓ బిజినెస్ చేస్తూ సంపాదించడం ఈమధ్య బాగా కనిపిస్తోంది. ఇప్పుడు ఇదే కోవలోకి తారక్ భార్య లక్ష్మీ ప్రణీత కూడా రానున్నట్లు తెలుస్తోంది.ఈ అంశానికి సంబంధించిన వార్త ప్రస్తుతం సోషల్ మీడియాలో హల్‌చల్ చేస్తోంది.
తారక్ భార్య లక్ష్మీ ప్రణీత న్యూస్ మీడియా రంగానికి చెందిన బిజినెస్‌లో అడుగుపెట్టాలని చూస్తున్నట్లు టాలీవుడ్ వర్గాల్లో వినిపిస్తోంది. ఈ మేరకు తన మామగారి సాయంతో ఓ టీవీ ఛానల్‌ను ప్రారంభించేందుకు తారక్ రెడీ అవుతున్నట్లు, ఈ వ్యాపారం ఆయన భార్య చూసుకోబోతున్నట్లు తెలుస్తోంది.ఇక ఈ టీవీ ఛానల్‌కు యువ అనే పేరును పెట్టబోతున్నట్లు చిత్రపురిలో వార్తలు వస్తున్నాయి.
