టాలీవుడ్ స్టార్ హీరో రాంచరణ్‌ ఉప్పెన ఫేం బుచ్చిబాబు సాన డైరెక్షన్‌లో సినిమా ప్రకటించాడని తెలిసిందే. భారీ స్థాయిలో రాబోతున్న ఈ సినిమా ప్రీ ప్రొడక్షన్‌ పనులు జెట్ స్పీడులో కొనసాగుతున్నాయి. కాగా ఈ సినిమాకు సంబంధించిన అప్డేట్ ఒకటి ఇపుడు టాలీవుడ్‌లో హల్‌ చల్ చేస్తోంది. బాలీవుడ్ భామ జాన్వీకపూర్ తెలుగు సినిమాలో కనిపించాలని చాలా కాలంగా అనుకుంటుందని ప్రత్యేకించి చెప్పనవసరం లేదు..
అయితే తన టాలీవుడ్ లాంఛింగ్‌కు రాంచరణ్‌ సినిమా అయితే బాగుంటుందని భావిస్తుందట జాన్వీకపూర్. అంతేకాదు ఈ సినిమాలో ఛాన్స్ కొట్టేసే ప్రయత్నంలో ఫుల్‌ బిజీగా ఉందన్న వార్త టాక్‌ ఆఫ్‌ ది టౌన్‌గా మారింది. ఈ సినిమాతో దక్షిణాదిన గ్రాండ్‌ ఎంట్రీ ఇవ్వాలనుకుంటుందనే దానిపై అఫీషియల్ అప్డేట్ ఏం రాకున్నా.. ఈ వార్తను మాత్రం జాన్వీకపూర్ ఫాలోవర్లు తెగ ఎంజాయ్ చేస్తున్నారు.
