రామబాణం సినిమాతో ప్రేక్షకుల ముందుకొస్తున్నాడు హీరో గోపీచంద్. ఈ సినిమాను శ్రీవాస్ డైరక్ట్ చేశాడు. ఇంతకుముందు ఇద్దరూ కలిసి రెండు సినిమాలు చేశారు. కాబట్టి హీరో-డైరెక్టర్ మధ్య మంచి సింక్ ఉండాలి. కానీ ఆశ్చర్యంగా ఈసారి గోపీచంద్-శ్రీవాస్ గొడవ పడ్డారట. కొన్ని రోజుల కిందట ఈ మేటర్ బయటకొచ్చింది. సెట్స్ లో హీరో-డైరెక్టర్ మధ్య గొడవ జరిగిందనే ప్రచారం నడిచింది. దీనిపై గోపీచంద్ స్పందించాడు. గొడవ జరిగిన మాట వాస్తవమేనని అంగీకరించాడు గోపీచంద్. అయితే అది గొడవ కాదని, ఓ డిస్కషన్ మాత్రమేనని అన్నాడు. ఓ బ్లాక్ సెట్ చేశాడు శ్రీవాస్. ఆ సీన్ పై గోపీచంద్ కు నమ్మకం లేదు. ఎఁదుకంటే, ఎడిటింగ్ లో ఆ సీన్ లేపేస్తారని కచ్చితంగా తెలుసు. దర్శకుడి దగ్గరకెళ్లి అదే విషయం చెప్పాడు. ఎడిటింగ్ లో లేపేసే సీన్ కు మళ్లీ షూటింగ్ చేయడం, ఖర్చు పెట్టడం అవసరమా అని ప్రశ్నించాడు..!!
