అను ఇమ్మాన్యుయల్ చాలా లక్కీ హీరోయిన్ అని చెప్పచ్చు. ఒక్క హిట్ సినిమా కూడా లేకుండా ఇన్నేళ్ల నుంచి అవకాశాలు సంపాదించటమంటే మాటలా ? అందులోను మెగా హీరోల బిగ్ బడ్జెట్ సినిమాలు అజ్ఞాతవాసి, నా పేరు సూర్య ల్లో కూడా నటించేసింది. అయితే ఆ సినిమాలు కూడా డిజాస్టర్లే కావటం తో అమ్మడికి ఛాన్సులు కరువయ్యాయి. ప్రస్తుతం బెల్లంకొండ ‘అల్లుడు అదుర్స్’ లో నటిస్తోంది అను. ఇంకా షూటింగ్ దశలోనే వుంది ఈ సినిమా. ఈ మధ్యనే షూటింగ్ రీస్టార్ట్ చేసారు,.. ఇదికాక అమ్మడికి మరో సినిమాలో నటించే అవకాశం వచ్చింది. రమేష్ వర్మ దర్శకత్వంలో రవితేజ హీరోగా తెరకెక్కనున్న చిత్రంలో ఒక హీరోయిన్గా నిధి అగర్వాల్, మరో హీరోయిన్గా అను ఇమ్మాన్యుయల్ నటించనున్నారు. అధికారికంగా త్వరలోనే ప్రకటించనున్నారు.
