తన సినిమా నుండి ఏ చిన్న కొత్త ఆప్డేట్ వచ్చినా.. మూవీ రిలీజ్ రేంజులో సెలబ్రేట్ చేసుకోవటం రజిని ఫ్యాన్స్ కి అలవాటు. అయితే తాజాగా రజిని కాంత్ హీరోగా నటిస్తున్న అన్నాత్తే సినిమా మోషన్ పోస్టర్ విడుదలైంది. శివ తెరకెక్కిస్తున్న ఈ పక్కా కమర్షియల్ చిత్రంపై ఇప్పటికే భారీ అంచనాలు ఉన్నాయి. ఆ అంచనాలకి తోడు విడుదలైన ఈ మోషన్ పోస్టర్ కి సోషల్ మీడియాలో అద్దిరిపోయే రెస్పాన్స్ రావటంతో అభిమానులు సంబరాలు చేసుకున్నారు.
అయితే ఇక్కడే కొందరు ఫ్యాన్స్ అతికిరాతకంగా ప్రవర్తించారు. రజిని పోస్టర్ కి దండేసి దండం పెట్టడమే కాకుండా ఓ మేకపోతును కూడా బలిచ్చేసారు. ఆ బలిచ్చే వీడియోను సోషల్ మీడియాలో పోస్ట్ చేసారు. మేకపోతు తలను చూస్తుండగానే నరికేసారు.. ఆ రక్తాన్ని తీసుకెళ్లి రజినీకాంత్ పాదాలకు అభిషేకం చేసారు. ఈ వీడియోను ఇప్పుడు యానిమల్ లవర్స్ చూసి విమర్శల వర్షం కురిపిస్తున్నారు. మేకపోతు తలని నరకటం తప్పంటూ..
రజినీకాంత్ దీనిపై వెంటనే స్పదించాలంటూ సోషల్ మీడియాలో అనిమల్ లవర్స్ పెద్దఎత్తున క్యాంపైన్ చేస్తుండగా వారికి సపోర్ట్ గా నిలిచింది యాంకర్ రష్మీ. మన టాలీవుడ్ లో అక్కినేని అమల తరువాత.. అంతటి జంతుప్రేమికురాలు రష్మీ. మూగజీవాలపై ఎక్కడ ఏ చిన్న తప్పు జరిగిన ఖండించే రష్మీ ఇప్పుడు సూపర్ స్టార్ ఫ్యాన్స్ పై కూడా ఫైర్ అయింది. ‘ఈ పిచ్చిని అభిమానం అనుకోవాలా.. ఏ హీరో కూడా దీన్ని హర్షించడు’ అంటూ పోస్ట్ చేసింది రష్మి.
