టాలీవుడ్ ‘కింగ్’ నాగార్జున ప్రస్తుతం బిజీబిజీగా ఉన్నారు. ఒకవైపు బిగ్ బాస్‌ హోస్ట్‌గా చేస్తూనే.. మరోవైపు సినిమాలు చేస్తున్నారు. కథానాయకుడు బంగార్రాజు సినిమా చేస్తూనే.. ‘ది ఘోస్ట్‌’ షూటింగ్‌లో కూడా పాల్గొంటున్నారు. యువ దర్శకుడు ప్రవీణ్‌ సత్తారు దర్శకత్వంలో రూపొందుతోన్న ది ఘోస్ట్‌.. విభిన్నమైన యాక్షన్‌ థ్రిల్లర్‌ కథాంశంతో రూపొందుతోంది..’ది ఘోస్ట్‌’ సినిమా కోసం దర్శక నిర్మాతలు హీరోయిన్ వేటలో ఉన్నారు. నాగార్జునకు జోడీగా ముందుగా కాజల్‌ అగర్వాల్‌ ను ఎంపిక చేశారు.
అయితే అనుకోని కారణాల వల్ల కాజల్‌ ఈ సినిమా నుంచి తప్పుకొంది. ఆపై అమలా పాల్‌ ఎంపిక చేసినట్లు సోషల్ మీడియాలో వార్తలొచ్చాయి. అయితే ఫైనల్‌గా యువ కథానాయిక మెహ్రీన్ కౌర్ ఫిర్జాదా ఈ చిత్రంలో హీరోయిన్‌గా ఫిక్స్‌ అయినట్లు సమాచారం తెలుస్తోంది. ఇప్పటికే చిత్ర బృందం ఆమెతో కథా చర్చలు పూర్తి చేసిందని, స్క్రిప్ట్‌ నచ్చడంతో కింగ్ సరసన నటించేందుకు అంగీకరించినట్లు వార్తలు వస్తున్నాయి. త్వరలోనే దీనిపై అధికారిక ప్రకటన రానుందట.
