క‌థానాయిక‌ల పారితోషికాలు ఆకాశాన్ని తాకుతున్నాయి. స్టార్ డ‌మ్ ఉన్న హీరోయిన్ ని తీసుకోవాలంటే నిర్మాత‌ల‌కు చుక్క‌లు క‌నిపిస్తున్నాయి. పాన్ ఇండియా మోజులో – బాలీవుడ్ క‌థానాయిక‌ల్ని దిగుమ‌తి చేసుకోవ‌డంవ త‌ప్ప‌నిస‌రి అయ్యింది. త‌మ డిమాండ్ ని ప‌సి గ‌ట్టిన హీరోయిన్లు ఒక్క‌సారిగా రేటు పెంచేస్తున్నారు. అలియా భ‌ట్ అదే చేసింది. కేవలం 15 నిమిషాల పాత్ర కోసం ఏకంగా 5 కోట్లు లాగేసింది. తాను ఆర్.ఆర్.ఆర్ కోసం కేవలం 10 నుండి 12 డేట్స్ మాత్రమే ఇచ్చింది..దీనిలెక్కన చూస్తే అలియా రోజుకి 50 లక్షలు తన ఖాతాలో వేసుకుంది..టూ మచ్ కాదా భయ్యా..
సాధార‌ణంగా ఓ బాలీవుడ్ చిత్రానికి అలియా అందుకునే పారితోషికం 5 కోట్లు ఉంటుంది. కాక‌పోతే.. ఒక్కో సినిమాకి క‌నీసం 2 నెల‌ల స‌మ‌యం కేటాయించాల్సి ఉంటుంది. కానీ ఆర్.ఆర్.ఆర్ కోసం ఇంత తక్కువ సమయంలో కేవలం 15 నిమిషాల పాత్ర కోసం 5 కోట్లు అందుకుంది. అలియా వ‌ల్ల… బాలీవుడ్ లో ఈ సినిమాకంటూ ప్ర‌త్యేక‌మైన మైలేజీ వ‌స్తుంద‌న్న‌ది నిర్మాత ఆశ. కానీ.. అలాంటిదేం జ‌ర‌గ‌లేదు. ఇది రాజ‌మౌళి సినిమాగానే బాలీవుడ్ వెళ్తోంది. అలియా వ‌ల్ల వ‌చ్చిన అద‌న‌పు మైలేజీ ఏం లేదు. అలాంట‌ప్పుడు.. రూ.5 కోట్లు ఎలా ఇచ్చారో?
