ప్రస్తుత కాలంలో చాలామంది హీరోలు యాడ్ల ద్వారా ఎక్కువ మొత్తంలో సంపాదించడానికి ప్రాధాన్యత ఇస్తున్నారు. అయితే తమ ఫేవరెట్ హీరోలు నటిస్తున్న కొన్ని యాడ్స్ విషయంలో అభిమానులు సైతం అసంతృప్తిని వ్యక్తం చేస్తుండటం గమనార్హం. టాలీవుడ్ స్టార్ హీరోలలో మహేష్ బాబు, అల్లు అర్జున్ చేతిలో ఎక్కువగా బ్రాండ్స్ ఉన్నాయి. పవన్ ప్రస్తుతం యాడ్స్ కు దూరంగా ఉండగా ప్రభాస్, తారక్, చరణ్ పరిమితంగా యాడ్స్ లో నటిస్తున్నారు. అయితే తాజాగా బన్నీ ప్రముఖ కంపెనీ 10 కోట్ల రూపాయల రెమ్యునరేషన్ ఇస్తామని చెప్పినా యాడ్ ను రిజెక్ట్ చేసినట్టు సమాచారం అందుతోంది.
మద్యం మరియు గుట్కాలకు సంబంధించిన యాడ్ లో నటించే ఆఫర్ బన్నీకి రాగా ఆ యాడ్ లో నటించడం కరెక్ట్ కాదని బన్నీ ఫిక్స్ అయ్యారని సమాచారం అందుతోంది. బన్నీ కెరీర్ విషయంలో ఆచితూచి అడుగులు వేస్తున్నారు. ప్రస్తుతం అల్లు అర్జున్ పుష్ప ది రూల్ సినిమాలో నటిస్తున్న సంగతి తెలిసిందే. పుష్ప ది రూల్ ఊహించని స్థాయి బడ్జెట్ తో తెరకెక్కుతోంది. అతి త్వరలో ఈ సినిమా రెగ్యులర్ షూటింగ్ మొదలుకానుంది. పుష్ప ది రూల్ సినిమాతో బన్నీ ఖాతాలో బిగ్గెస్ట్ బ్లాక్ బస్టర్ ఖాయమనే కామెంట్లు వ్యక్తమవుతున్నాయి. సుకుమార్ తొమ్మిది నెలల పాటు కష్టపడి ఈ సినిమా స్క్రిప్ట్ ను సిద్ధం చేశారు.
