బాలీవుడ్ స్టార్ హీరోయిన్ ఆలియా భట్ హాలీవుడ్ ఎంట్రీ షురూ అయింది. ‘హార్ట్ ఆఫ్ స్టోన్’ అనే చిత్రం ద్వారా హాలీవుడ్ అరంగేట్రం చేయనుంది. ఈ చిత్రంలో గాల్ గాడోట్, జామీ డోర్నన్ వంటి స్టార్ నటులతో కలిసి తెరను పంచుకోనుంది. అంతర్జాతీయ స్పై థ్రిల్లర్‌గా తెరకెక్కుతున్న ఈ చిత్రానికి టామ్ హార్పర్ దర్శకత్వం వహించనున్నారు. దీనిని నెట్‌ఫ్లిక్స్ , స్కైడాన్స్ తీసుకురానున్నాయి..ఆలియా ఫోటోను నెట్‌ఫ్లిక్స్ ఇండియా అధికారిక ఇన్‌స్టాగ్రామ్ హ్యాండిల్‌లో పోస్ట్ చేస్తూ… “ఆలియా భట్ ‘హార్ట్ ఆఫ్ స్టోన్’లో ఉండబోతోందని ప్రకటించడం ద్వారా మా రోజును ప్రారంభించాం” అంటూ క్యాప్షన్ ఇచ్చింది.
ఇప్పటికే ప్రియాంక చోప్రా, ఐశ్వర్యారాయ్ బచ్చన్, దీపికా పదుకొణె, అనిల్ కపూర్, దివంగత ఇర్ఫాన్ ఖాన్, అలీ ఫజల్ వంటి బాలీవుడ్ తారలు హాలీవుడ్ చిత్రాల్లో మెరిశారు. తాజాగా ఈ కోవలోకి ఆలియా చేరింది. ఈ చిత్రానికి సంబంధించిన పూర్తి వివరాలను త్వరలోనే వెల్లడించనున్నారు మేకర్స్. ఇటీవల ‘గంగూబాయి కతియావాడి’ చిత్రంలో ఆలియా ప్రేక్షకుల ముందుకొచ్చింది. సంజయ్ లీలా భన్సాలీ దర్శకుడు. ఇందులో ఆలియా నటన విమర్శకుల ప్రశంసలు సైతం అందుకుంది. జక్కన్న రాజమౌళి తెరకెక్కించిన ‘ఆర్ఆర్ఆర్’ మూవీలోనూ నటించింది ఆలియా. ఈ చిత్రం మార్చి 25న ప్రపంచవ్యాప్తంగా థియేటర్లలో సందడి చేయనుంది..
