విలక్షణ నటుడు ప్రకష్ రాజ్ పుట్టినరోజు నేడు. ఈ సందర్భంగా సోషల్ మీడియా వేదికగా ఆసక్తికర ట్వీట్ చేశాడు. కన్నడ పవర్ స్టార్ పునీత్ రాజ్ కుమార్ సేవలను.. ఇకపై తన సొంత ఫౌండేషన్ ద్వారా ముందుకు తీసుకెళ్లబోతున్నట్లు తెలిపారు… ” నా ప్రత్యేకమైన రోజున మీ అందరితో ఈ శుభవార్త పంచుకుంటున్నందుకు ఆనందంగా ఉంది. పునీత్ రాజ్ కుమార్ ప్రారంభించిన సేవలను ఇకపై ప్రకాష్ రాజ్ ఫౌండేషన్ ద్వారా ముందుకు తీసుకెళ్లబోతున్నాను.. త్వరలోనే ఇందుకు సంబంధించిన పూర్తి వివరాలను తెలియజేస్తాను.. ” అంటూ పునీత్ ఫోటోను షేర్ చేశారు ప్రకాష్ రాజ్.
ఆ పోస్టర్లో అప్పు ఎక్స్ప్రెస్ అని రాసి ఉంది. దీంతో పునీత్ అభిమానులు సంతోషం వ్యక్తం చేస్తూ ప్రకాష్ రాజ్కు పుట్టినరోజు శుభాకాంక్షలు తెలుపుతున్నారు..ప్రకాష్ రాజ్.. ప్రస్తుతం చేతినిండా సినిమాలతో ఫుల్ బిజీగా ఉన్నారు. మేజర్.. కేజీఎఫ్ 2, శాకుంతలం.. సర్కారు వారి పాట సినిమాల్లో కీలకపాత్రలలో నటిస్తున్నారు. తెలుగు మాత్రమే కాకుండా.. కన్నడ.. తమిళ్.. మలయాళ చిత్రాల్లోనూ ప్రకాష్ రాజ్ నటిస్తున్నారు. అలాగే.. తన పుట్టినరోజు సందర్భంగా.. గ్రీన్ ఇండియా ఛాలెంజ్లో పాల్గొన్నారు. షాద్ నగర్ వద్ద గల తన వ్యవసాయ క్షేత్రంలో మొక్కలు నాటారు..
