మ‌హాన‌టి’ సినిమాలో తొలిసారి జంట‌గా న‌టించారు విజ‌య్ దేవ‌ర‌కొండ, స‌మంత. దాదాపు నాలుగేళ్ల విరామం త‌ర్వాత మ‌ళ్లీ ఈ కాంబినేష‌న్ వెండితెర‌పై రిపీట్ కాబోతున్నట్లు వార్త‌లొస్తున్నాయి. ‘నిన్నుకోరి’, ‘మజిలీ’ ఫేమ్ శివ‌నిర్వాణ ద‌ర్శ‌క‌త్వంలో విజ‌య్ దేవ‌ర‌కొండ క‌థానాయ‌కుడిగా ఓ ప్రేమకథా చిత్రం రూపొంద‌నున్న‌ది. ఇందులో స‌మంత హీరోయిన్‌గా న‌టించ‌బోతున్న‌ట్లు స‌మాచారం. ఇటీవ‌లే ఆమె ఈ సినిమాకు గ్రీన్‌సిగ్న‌ల్ ఇచ్చిన‌ట్లు వార్త‌లు వినిపిస్తున్నాయి.
కశ్మీర్ బ్యాక్‌డ్రాప్‌లో ఇంటెన్స్ ల‌వ్‌స్టోరీగా ఈ సినిమా రూపుదిద్దుకోనున్న‌ట్లు తెలిసింది. కశ్మీర్ నేప‌థ్యంలో ద‌క్షిణాది చిత్ర‌సీమ‌లో మణిరత్నం రోజాతో పాటు కొన్ని సినిమాలే వచ్చాయి. ఆడియెన్స్ కు ఫ్రెష్ ఫీల్ కలిగించవచ్చనే ఆలోచ‌న‌తోనే శివ‌నిర్వాణ కశ్మీర్ బ్యాక్ డ్రాప్ ను ఎంచుకున్న‌ట్లు తెలిసింది. 70 ప‌ర్సెంట్ సినిమాను కశ్మీర్ లోనే తెర‌కెక్కించ‌నున్న‌ట్లు వార్త‌లు వినిపిస్తున్నాయి. త్వ‌ర‌లో రెగ్యుల‌ర్ షూటింగ్ ను ప్రారంభించేందుకు స‌న్నాహాలు చేస్తున్న‌ట్లు తెలిసింది.
