పెళ్లి చూపులు సినిమాతో హీరోగా పరిచయం అయ్యాడు విజయ్ దేవరకొండ. ఈ సినిమా తరువాత అర్జున్ రెడ్డి సినిమాతో సూపర్ డూపర్ హిట్ ను అందుకున్నాడు. ఆ తరువాత వచ్చిన గీత గోవిందం సినిమాతో కూడా మరో హిట్ ను అందుకున్నాడు. ప్రస్తుతం డేరింగ్ అండ్ డాషింగ్ డైరెక్టర్ పూరీ జగన్నాథ్ తో లైగర్ సినిమా చేస్తున్నాడు. పాన్ ఇండియా చిత్రంగా తెరకెక్కుతున్న ఈ సినిమాలో అనన్య పాండే హీరోయిన్ గా నటిస్తుంది. అలాగే పూరీ, ఛార్మి, కరణ్ జోహార్ లు సంయుక్తంగా ఈ సినిమాను నిర్మిస్తున్నారు. ఇదిలా ఉండగా విజయ్ దేవరకొండ ఇప్పుడు మహేష్ బాబు చేస్తున్న ఓ పాపులర్ యాడ్ లో కనిపించబోతున్నాడు.
అవును…గత కొన్నేళ్లుగా మహేష్ థమ్స్ అప్ యాడ్ లో నటిస్తున్నాడు. కొత్త యాడ్ లో కూడా బాలీవుడ్ హీరో రణ్‌వీర్, సింగ్ మహేష్ బాబుపై చిత్రీకరించారు. ఇది టీవీల్లో కూడా ప్రసారమవుతోంది..అయితే తాజాగా ఈ ప్రకటనలో మహేష్ బాబు బదులుగా విజయ్ దేవరకొండ కనిపించబోతున్నాడు. ఇప్పుడు ఈ యాడ్ విజయ్ చేతికి వచ్చింది. కాగా దీనికోసం విజయ్ ఏకంగా తన సోషల్ మీడియా హ్యాండిల్ పేరునే మార్చుకున్నాడు. విజయ్ దేవరకొండ తుఫాన్ గా ట్విట్టర్ లో పేరు చేంజ్ చేసుకున్నాడు. ప్రస్తుతం ట్విట్టర్ లో ఇది ట్రెండింగ్ లో ఉంది.
