చాలా కాలంగా వినోదానికి దూరమైన ప్రేక్షకులను కడుపుబ్బ నవ్వించడంతో.. అనుదీప్ కెవి క్రేజ్ ఒక్కసారిగా మారిపోయింది. ఈ యంగ్ డైరెక్టర్తో సినిమాలు తీసేందుకు నిర్మాతలు క్యూ కడుతున్నారు. అయితే ఈ సినిమా తర్వాత.. అనుదీప్.. ఎవరితో సినిమా చేయనున్నాడని ప్రేక్షకులు ఆసక్తిగా ఎదురుచూస్తున్నారు. ఈ క్రమంలోనే తమిళ్ హీరో శివకార్తికేయన్ ప్రధాన పాత్రలో ఓ మూవీ చేయబోతున్నట్లుగా వార్తలు వచ్చాయి. ఈ సినిమాను తెలుగు, తమిళ్ భాషల్లో విడుదల చేయనున్నారని వినిపించింది.
అయితే ఈ ప్రాజెక్ట్ గురించి ఇప్పటివరకు ఎలాంటి అధికారిక ప్రకటన రాలేదు. తాజాగా అనుదీప్ తదుపరి సినిమా గురించి మరో క్రేజీ అప్డేట్ నెట్టింట్లో చక్కర్లు కొడుతుంది. అనుదీప్.. వెంకటేష్ ప్రధాన పాత్రలో ఓ సినిమా చేయబోతున్నట్లుగా టాక్ వినిపిస్తోంది. ఇందుకోసం వెంకటేష్తో చర్చలు జరుగుతున్నట్లుగా తెలుస్తోంది. ఇందుకు వెంకీ గ్రీన్ సిగ్నల్ ఇస్తే… త్వరలోనే ఈ మూవీ పట్టాలెక్కనున్నట్లుగా సమాచారం. అయితే నాగ్ అశ్విన్ కూడా ఈ సినిమాను నిర్మించనున్నట్లుగా తెలుస్తోంది.
