మాస్ మహారాజా ‘క్రాక్’ సినిమాతో త్వరలో ప్రేక్షకుల ముందుకు రాబోతున్నాడు. ఆ సినిమా తర్వాత రమేష్ వర్మ దర్శకత్వంలో రవితేజ సినిమాకు కమిట్ అయ్యాడు. ఆ సినిమా షూటింగ్ ఈ ఏడాది చివర్లో ప్రారంభం అయ్యే అవకాశం ఉందంటున్నారు. ఇప్పటికే స్క్రిప్ట్ వర్క్ దాదాపుగా పూర్తి అయ్యింది. రీతూ వర్మ మరియు ఐశ్వర్య రాజేష్ లు ఈ చిత్రంలో హీరోయిన్స్ గా నటించబోతున్నట్లుగా టాక్ వినిపిస్తుంది. ఈ విషయమై ఇంకా ఎలాంటి అధికారిక క్లారిటీ రాలేదు. ఈ సినిమాకు ‘కిలాడీ’ అనే టైటిల్ ను డైరెక్టర్ రమేష్ వర్మ రిజిస్టర్ చేసుకున్నట్లు తెలుస్తుంది. సోషల్ మీడియాలో కిలాడీ టైటిల్ కు మంచి రెస్పాన్స్ దక్కింది..దీనిపై త్వరలోనే అధికారిక ప్రకటన రాబోతున్నట్లుగా సమాచారం..
