టాలీవుడ్ స్టార్ హీరోయిన్లలో ఒకరైన సమంత శాకుంతలం సినిమా తర్వాత మరో రెండు తెలుగు సినిమాలలో నటిస్తున్నట్టు దసరా పండుగ రోజున అధికారిక ప్రకటన వెలువడింది. త్వరలో ఈ సినిమాల రెగ్యులర్ షూటింగ్ మొదలు కానుంది. అయితే విడాకుల ప్రకటన నేపథ్యంలో సమంత నిర్మాతలకు షరతులు పెడుతున్నారని తెలుస్తోంది. చెన్నై లేదా చెన్నైకు చుట్టుపక్కల ఉన్న ప్రాంతాలలో షూటింగ్ లను పూర్తి చేయాలని సమంత కోరుతున్నట్టు సమాచారం. హైదరాబాద్ లో షూటింగ్ ను సమంత ఏ మాత్రం ఇష్టపడటం లేదని తెలుస్తోంది.
ఒకవేళ దర్శకనిర్మాతలు హైదరాబాద్ లో తన సినిమా షూటింగ్ జరపాలని భావిస్తే మాత్రం ఇండోర్ లో మాత్రమే షూటింగ్ జరపాలని ఔట్ డోర్ లో జరపవద్దని సమంత సూచిస్తున్నారు. సమంత ఈ షరతులకు ఒప్పుకున్న నిర్మాతల నిర్మాణంలో తెరకెక్కే సినిమాలలో మాత్రమే నటించే అవకాశాలు అయితే ఉన్నాయని సమాచారం అందుతోంది. సమంత షరతుల వల్ల నిర్మాతలు కొంతవరకు ఇబ్బంది పడే ఛాన్స్ అయితే ఉందని చెప్పవచ్చు. డ్రీమ్ వారియర్స్ పిక్చర్స్ బ్యానర్ పై ఒక సినిమాకు, శ్రీదేవీ మూవీస్ బ్యానర్ పై ఒక సినిమాకు సమంత గ్రీన్ సిగ్నల్ ఇచ్చారు.
