రాంబంటు “మూవీ లో చైల్డ్ ఆర్టిస్ట్ గా నటించిన ఐశ్వర్య రాజేష్ , “నీదానా అవన్”మూవీ తో కోలీవుడ్ కు కథానాయికగా పరిచయం అయ్యారు. పలు తమిళ సూపర్ హిట్ మూవీస్ తో ప్రేక్షకులను అలరించిన ఐశ్వర్య “కౌసల్య కృష్ణమూర్తి “మూవీ తో టాలీవుడ్ కు పరిచయం అయ్యారు. “వరల్డ్ ఫేమస్ లవర్ “, “టక్ జగదీష్ “మూవీస్ తో తెలుగు ప్రేక్షకులను అలరించారు. నటనకు ప్రాధాన్యత ఉన్న కథలను ఎంపిక చేసుకుని నటిస్తున్న ఐశ్వర్య కథానాయికగా రూపొందిన “రిపబ్లిక్ మూవీ అక్టోబర్ 1 వ తేది రిలీజ్ కానుంది. ఐశ్వర్య ప్రస్తుతం 4 తమిళ మూవీస్ లో నటిస్తున్నారు.
తాజా ఇంటర్వ్యూ లో ఐశ్వర్య మాట్లాడుతూ .. అంతకుముందు తాను సౌందర్యగారి అభిమానిననీ , ఎలాంటి పాత్రలోనైనా ఆమె అందంగా ఇమిడిపోయే తీరు నాకు ఎంతగానో నచ్చేదనీ , అప్పట్లో ఆమె సినిమాలు తప్పకుండా చూసేదానిననీ , ఎంత సింపుల్ గా ఉండే పాత్రలోనైనా అంత అందంగా కనిపించే వారిని తాను చూడలేదనీ , ఇక ఇప్పటి హీరోయిన్స్ లో తనకు సమంత గారు అంటే చాలా ఇష్టమనీ , ఆమెనే తన రోల్ మోడల్అనీ , అందంగా , అమాయకంగా కనిపిస్తూ అద్భుతంగా నటించడం సమంతగారి ప్రత్యేకతనీ , కెరియర్ పరంగా ఆమె ఎదుగుతూ వచ్చిన తీరు తనకు ఆదర్శం అనీ చెప్పారు.
