టాలీవుడ్ స్టార్ హీరోయిన్ సమంత సోషల్ మీడియాలో చాలా యాక్టివ్‌గా ఉంటుంది ఎప్పటికప్పుడు పోస్టులు షేర్ చేస్తూ.. అభిమానులకు దగ్గరవుతుంటుంది. అయితే, తాజాగా సమంత పెట్టిన వరుస పోస్టులు ఇప్పుడు హాట్ టాపిక్‌గా మారాయి. అయితే, సామ్ ఎవరిని ఉద్దేశించి ఈ పోస్టులు చేసిందో తెలియదు కానీ, గట్టిగానే వార్నింగ్ ఇచ్చింది. సమంత-నాగ చైతన్య విడాకుల తర్వాత అనేక పరిణామాలు సంభవించాయి. సమంత ఫ్యాన్స్ నాగ చైతన్యను తప్పుబడితే.. చైతూ ఫ్యాన్స్ సమంతను ఆడిపోసుకున్నారు. ఈ క్రమంలో ఇటీవల సమంతపై ట్రోల్స్ ఎక్కువయ్యాయి.
ఈ నేపథ్యంలోనే సమంత ఈ పోస్టుతో నెట్టింట్లో తెగ వైరల్ అవుతోంది. ‘నా మౌనం అజ్ఞానం అని, నా సైలెన్స్ అన్నిటికి అంగీకరిస్తున్నానని, నా దయని బలహీనత అని అనుకోకండి. దయాగుణానికి కూడా ఓ చివరి డేట్ ఉంటుంది. జస్ట్ చెప్తున్నాను అంతే’ అంటూ కాస్త సీరియస్‌గానే ట్వీట్ చేసింది సమంత. అయితే, సామ్ ఈ ట్వీట్ ఎవరిని ఉద్దేశించి చేసింది..? అనేది సోషల్ మీడియాలో చర్చ నడుస్తోంది. సమంత ఫ్యాన్స్‌‌కు, అక్కినేని ఫ్యాన్స్ మధ్య వార్ నడుస్తోంది. అందుకే సమంత ఇలాంటి పోస్టులు పెడుతుందని అంటున్నారు నెటిజన్లు.
