ట్రైయాంగిల్ లవ్ స్టోరీ’తో మల్టీ స్టారర్ మూవీగా రూపొందుతున్న ఈ సినిమా షూటింగ్ ను కరోనా సెకండ్ వేవ్ కారణంగా వాయిదా వేశారు. ఆ తర్వాత మొదలు పెట్టినా కూడా హీరోయిన్స్ ఇద్దరు ఇతర ప్రాజెక్ట్ లతో బిజీగా ఉండటం మరియు ఇతర కారణాల వల్ల సినిమా చిత్రీకరణ ఆలస్యం అయ్యింది. ఎట్టకేలకు అయినా సినిమా షూటింగ్ ను ప్రారంభించారు. ఈ షెడ్యూల్ తో సినిమా షూటింగ్ పూర్తి అవుతుందని సమాచారం అందుతోంది. సినిమాకు సంబంధించినంత వరకు సమంత పాత్ర చాలా కీలకంగా ఉంటుందని.. ఆమె పాత్ర చుట్టు కథ తిరుగుతుందని.. కాస్త బోల్డ్ గా కూడా ఉంటుందని అంటున్నారు.
నయనతార మరియు సమంతలు ఈ సినిమాలో పోటీ పడి మరీ నటించబోతున్నట్లుగా చెబుతున్నారు. సూపర్ డీలక్స్ సినిమాలో అత్యంత విభిన్నమైన పాత్రను చేసిన సమంత ఈమద్య కాలంలో అన్ని కూడా పాత్రకు ప్రాముఖ్యత ఉన్న సినిమాలు.. లేడీ ఓరియంటెడ్ సినిమాలు చేస్తోంది. కనుక ఈ సినిమాలో కూడా సమంత పాత్ర మరియు ఆమె నటన ప్రధాన ఆకర్షణగా నిలవడం ఖాయం అంటూ అభిమానులు నమ్మకంతో అంటున్నారు. ఈ సినిమా తో విఘ్నేష్ శివన్ ఒక చక్కని ప్రేమ కథను చూపించబోతున్నట్లుగా తమిళ మీడియా వర్గాల వారు చెబుతున్నారు. నయన్ ప్రియుడు అయిన విఘ్నేష్ శివన్ ఒక వైపు నిర్మాతగా సినిమాలు నిర్మిస్తూనే మరో వైపు దర్శకుడిగా సినిమాలు చేస్తూ ఉన్నాడు.
